ഇന്ന് രാത്രി പതിനൊന്നിന്

About this Book

വളരെ ചെറിയൊരു ത്രെഡ് എടുത്ത് അതിനെ അങ്ങേയറ്റം ആലങ്കാരികമാക്കുക, അതിൽ സാമൂഹിക-രാഷ്ട്രീയ വിമർശനങ്ങളോടൊപ്പം സ്വയംവിമർശനവും ഉൾക്കൊള്ളിക്കുക. ഇതാണ് പൊതുവേ പറഞ്ഞാൽ അജിത്തിന്റെ ശൈലി. ബുദ്ധിയും ഭാവനയും ഇഴചേർന്നതാണത്. മറ്റു കഥാകൃത്തുക്കളുടെ സാമ്പ്രദായിക വഴികളിൽനിന്നു വേറിട്ടുള്ള ഈ നടത്തത്തിന് ചില്ലറ ധൈഷണിക സമ്പത്തൊന്നും പോരാ. മുഖ്യധാരയിൽനിന്നു പുറന്തള്ളപ്പെടാനും തമസ്കരിക്കപ്പെടാനുമുള്ള സാദ്ധ്യത ഇത്തരം നടത്തത്തിൽ ഏറെയുണ്ട്. പക്ഷേ, വി.എസ് അജിത്ത് സധൈര്യം ഉറച്ച കാൽവെപ്പുകളോടെ ത്തന്നെ ആ വഴിയിലൂടെ നടക്കുകയാണ്. അജിത്തിന്റെ ഈ വേറിട്ട നടത്തം മലയാളകഥയിൽ പുതിയ ഭൂപടങ്ങൾ വരച്ചു ചേർക്കുമെന്നു തന്നെയാണ് എന്റെ പ്രതീക്ഷ. അഷ്ടമൂർത്തി ആറ്റിറ്റ്യൂഡ് ഓഫ് ഗ്രാറ്റിറ്റ്യൂഡ്, അനുപമയുടെ മുയൽക്കടുവ, ആനന്ദക്കൂത്തു കണ്ടാടു പാമ്പേ, അരുന്ധതിയുടെ ആദ്യത്തെ ഓർഗാസം, നെഗറ്റീവ് ബ്ലൂ പ്രിന്റ്, പാരഡൈം ഷിഫ്റ്റ്, ഇന്ന് രാത്രി പതിനൊന്നിന് തുടങ്ങി പത്തൊമ്പതു കഥകൾ. വി.എസ്. അജിത്തിന്റെ ഏറ്റവും പുതിയ കഥകളുടെ സമാഹാരം.