വാക്കു പൂക്കും ചില്ലകൾ

About this Book

സാർവലൗകികവും സാർവകാലികവുമായ ജൈവപ്രകൃതിയെയും മനുഷ്യാവസ്ഥയെയും ആർദ്രതയോടെ വീക്ഷിക്കുന്ന കവിതകൾ "വാക്കു പൂക്കും ചില്ലകളിലെ രചനകൾക്കു പൊതുവിൽ നൽകാവുന്ന വിശേഷണമിതാണ്. ഇക്കവിതകളെല്ലാം സ്വഭാവോക്തിയുടെ ചാരുത പേറുന്നവയാണ്. ബിംബസമൃദ്ധവും ലളിതസുന്ദരവുമാണ് കവിതകൾ. ബിംബങ്ങളാകട്ടെ, അനുവാചകനെ വിഭ്രാന്തിയിൽ ആഴ്ത്തുമാറ് ക്ലിഷ്ടമോ ദുരൂഹമോ അല്ലതാനും. -ചാക്കോ സി പൊരിയത്ത് കവി, റിട്ട. അധ്യാപകൻ (മലയാളം), സംസ്ഥാനഭാഷാമാർഗനിർദേശകവിദഗ്ധസമിതിയംഗം. ഈ പുസ്തകത്തിലെ കവിതകൾ മുൻകാലകവിതകളുടെ പകർ ത്തെഴുത്തുകളല്ല. ഭാഷയുടെയും അനുഭവങ്ങളുടെയും സർഗാത്മകമായ എല്ലാ ഭാവതീവ്രതയോടെയും ജീവിതത്തെ അവതരിപ്പിക്കുകയാണ് കസ്തൂരി ഭായി എന്ന എഴുത്തുകാരി. ഒരുപക്ഷേ വിഷയം പൂർവസിദ്ധമായിരിക്കുമ്പോഴും എഴുത്തിന്റെ അപൂർവ്വ സിദ്ധി കൊണ്ട് അവയെ തിളക്കുകയും വിളക്കുകയും ചെയ്യുന്നതിന്റെ നിരവധി സന്ദർഭങ്ങൾ ഈ പുസ്തകത്തിലുണ്ട് കസ്തൂരിയുടെ എഴുത്തുലോകം വ്യത്യസ്തമാണ് പുതുമലയാളകവിതയുടെ വേറിട്ടസ്പന്ദനങ്ങളും ദർശനങ്ങളും ഇവിടെ നിഴലിക്കുന്നു -ഡോ: ചായം ധർമ്മരാജൻ കവി. റിട്ട: അസോ. പ്രൊഫസർ