കാലപുസ്തകം

About this Book

'അദൃശ്യമായ അധികാര കേന്ദ്രിത ലോകബോധം സൃഷ്ടിക്കുന്ന സാമൂഹ്യതിന്മകളെ അതിന്റെ സകല വൈരുദ്ധ്യത്തോടെയും, വൈവിദ്ധ്യത്തോടെയും അടയാളപ്പെടുത്താൻ കവിക്ക് കഴിയുന്നു. യാഥാർഥ്യത്തിൽനിന്ന് കവിതയിലേക്കും കവിതയിൽനിന്ന് യാഥാർഥ്യത്തിലേയ്ക്കും സഞ്ചരിക്കാൻ സാധിക്കുന്നു എന്നതാണ് ഈ കാവ്യ വ്യവഹാരത്തിന്റെ വലിയ സവിശേഷത. അതുകൊണ്ടുതന്നെ വൈയക്തികവും സാമൂഹികവുമായ അനുഭവ രാശികളെ ലളിതമായും വിശദമായും കവിത പറഞ്ഞുവയ്ക്കുന്നു. കാലത്തേയും ജീവിതത്തെയും സംബന്ധിച്ച വൈകാരിക സത്യത്തെ തീരെ വൈകാരികമാവാതെ ആവിഷ്കരിക്കുന്ന സവിശേഷമായ നിർമ്മമതയാണ് ഈ കവിയുടെ സർഗ്ഗ സവിശേഷത. ചുറ്റുപാടുകളിൽ നിന്നു വരുന്ന വേദനാ ഭരിതമായ അനുഭവ രാശിയോടുള്ള പ്രതിഷേധവും പ്രതികരണവുമാണ് ഈ പ്രക്ഷുബ്ധമായ വരികളിൽ ഉള്ളത്.