ദേശീയത ഫാസിസം ജനാധിപത്യം

About this Book

ഏതെങ്കിലുമൊരു നേതാവ്, അഥവാ, ഏതെങ്കിലുമൊരു അധികാരിവർഗ്ഗം, നമ്മുടെ ഭാവിയെ മാത്രമല്ല, ഭൂതകാലത്തെയും നിയന്ത്രിക്കുന്ന ദുസ്സ്വപ്നഭരിതമായ ലോകമാണ് സമഗ്രാധിപത്യത്തിന്റെ പ്രഖ്യാപിതലക്ഷ്യം. ഒരു സംഭവം നടന്നിട്ടില്ലെന്ന് ആ നേതാവ് പറഞ്ഞാൽ, അതിനർത്ഥം, അത് നടന്നിട്ടില്ലെന്നുതന്നെയാണ്. രണ്ടും രണ്ടും അഞ്ചാണെന്ന് അയാൾ പറഞ്ഞാൽ, അത് അഞ്ചു തന്നെയാണ്. ബോംബുകളെക്കാൾ എന്നെ പേടിപ്പിക്കുന്നത് ഈയൊരു സാദ്ധ്യതയാണ്. കഴിഞ്ഞ കുറച്ചു വർഷങ്ങളിലെ നമ്മുടെ അനുഭവങ്ങൾ നോക്കുമ്പോൾ ഇതൊരു വെറും വാചകമല്ലെന്ന് മനസ്സിലാവും. -ജോർജ് ഓർവെൽ സമഗ്രാധിപത്യത്തിന്റെ അപകടങ്ങൾ വിലയിരുത്തുന്ന അനിമൽ ഫാമിന്റെയും 1984-ന്റെയും സ്രഷ്ടാവായ ജോർജ് ഓർവെല്ലിന്റെ ആറു ലേഖനങ്ങൾ. ദേശീയതയുടെ നാനാർത്ഥങ്ങളും സമഗ്രാധിപത്യത്തിന്റെ പരിണതഫലങ്ങളും ചർച്ചചെയ്യുന്ന ഈ ലേഖനങ്ങൾ സമകാലീന ഇന്ത്യൻ അവസ്ഥയിൽ കൂടുതൽ പ്രസക്തമായിതീരുന്നു.