ചിത്രകഥയിൽ അവൻ്റെ ഭൂതങ്ങൾ

About this Book

മുത്തശ്ശിക്കഥയുടെ ബാഹ്യാവരണവും ചിത്രഭാഷയും ചിത്രങ്ങളും കൊണ്ടു രചിക്കപ്പെട്ട ഈ കൃതി തുറന്നിട്ടുതരുന്നത് ഒരു കാഫ്കയെസ്ക് ലോകത്തിലേക്കുള്ള വാതിലാണ്. ധാരാളം കഥകൾ പറയുന്നുണ്ട് ഈ കൃതി. കഥ പറയുന്ന മനുഷ്യർക്ക് മരണമില്ലെന്നു മാത്രമല്ല, ഭാവനയ്ക്ക് അസാദ്ധ്യമായ യാതൊന്നുമില്ലെന്നും ഈ നോവൽ ബോദ്ധ്യപ്പെടുത്തുന്നു. യാഥാർത്ഥ്യത്തിന്റെ പകർപ്പല്ല, മറ്റൊരു പതിപ്പാണ് നല്ല എഴുത്ത്, വസ്തുലോകത്തിൽ ഭാവന കലരുമ്പോഴുണ്ടാകുന്ന കാഴ്ചകളെ സൂക്ഷ്മമായി വിവരിക്കുകയാണ് ജയകൃഷ്ണൻ, കാവ്യബിംബങ്ങൾകൊണ്ടു രചിക്കപ്പെട്ട ഈ നോവൽ തീർച്ചയായും മലയാളത്തിൽ ഒരു പുതിയ വായനാനുഭവമാണ്. -പി.എഫ്. മാത്യൂസ് അധികാരവുമായി ഒത്തുപോവാത്ത കല മനുഷ്യതിയുടെതന്നെ ഭാഗമാണ്. നോവലിന്റെയും. എങ്കിൽ ഈ നോവലിൽ അത് ആഖ്യാനത്തിന്റെ വീറുള്ള സൗന്ദര്യവുമാകുന്നു. ഭാഷയുടെ വേറൊരു നിറവിനെ സ്പർശിക്കുന്നു. നൂറോളം കവിതകളുടെകൂടി ഓർമ്മയ്ക്കൊപ്പം സഞ്ചരിക്കുന്ന ഈ കഥപറച്ചിൽ അങ്ങനെ മലയാളനോവലിൽ സമീപകാലത്തുണ്ടായ ഏറ്റവും പരീക്ഷണാത്മകമായ കൃതിയായി മാറുന്നു. -കരുണാകരൻ എഴുത്തുകാരനും ചിത്രകാരനുമായ ജയകൃഷ്ണന്റെ ആദ്യ നോവൽ.