മഹാശയൻ

About this Book

സമകാലിക ഇന്ത്യൻ യുവത്വത്തെ നീറ്റുന്ന ദുരവസ്ഥയുടെ ഇരുണ്ട ചിത്രങ്ങളെയാണ് ഈ നോവലിൽ എഴുത്തുകാരൻ വരഞ്ഞു കാട്ടുന്നത്. കമ്പോള നിയമങ്ങൾ തുറന്നിട്ട മലിനാത്മകമായ ജീവിതത്തിന്റെയും പ്രതിലോമകരമായ പ്രവർത്തനങ്ങളാൽ കൈവരുന്ന പണം സമ്പാദിച്ച് വിശുദ്ധരാകുന്നവരുടെയും അധികാരധാർഷ്ട്യത്തിന്റെ അന്ധതയുടെയും കഥ അത്യന്തം ആകാംക്ഷ നിറഞ്ഞു നിൽക്കുന്ന ശൈലിയിൽ, ശക്തമായ ഭാഷയിൽ കയ്യൊതുക്കത്തോടെ സുരേഷ്ബാബു മാവിലേരി പകർത്തിക്കാട്ടുന്നു. തൊഴിലില്ലായ്മയും അക്രമവും അനീതിയും കൈയടക്കിയ ലോകത്ത് നന്മയുടെ കൈത്തിരി വെളിച്ചം അണഞ്ഞു പോകുന്നില്ലെന്ന പ്രത്യാശയാണ് ഈ നോവലിന്റെ ആന്തരികത.